1ܘܥܒܼܸܪܗَܘܿܢ ܓܵܘ ܐܲܡܦܝܼܦܘܿܠܝܼܣ ܘܐܵܦܘܿܠܘܿܢܝܼܵܐ ܡܕܝܼܢܵܬܹ̈ܐ؛ ܘܐَܬܹܐܠܗَܘܿܢ ܠܬܹܣܵܠܘܿܢܝܼܩܹܐ؛ ܐܲܝܟܵܐ ܕܐܝܼܬܿ ܗَܘܵܐ ܟܢܘܼܫܬܵܐ ܕܝܗَܘܼܕܵܝܹ̈ܐ. 2ܘܥܒܼܸܪܹܗ ܦܵܘܠܘܿܣ ܕܵܐܟ̣ܝܼ ܕܐܝܼܬ ܗَܘܵܐ ܠܹܗ ܥܵܕܲܬ ܠܟܸܣܠܵܝܗܝ؛ ܘܬܠܵܬَ ܫܲܒܵܬܹ̈ܐ ܗܘܼܡܙܸܡܠܹܗ ܥܲܡܵܝܗܝ ܡ̣ܢ ܟܬܵܒܹ̈ܐ. 3ܟܲܕ ܦܵܫܸܩ ܗَܘܵܐ ܘܡܲܕܸܥ ܗَܘܵܐ؛ ܕܘܵܓ̰ܸܒ ܝܼܗَܘܵܐ ܕܡܫܝܼܚܵܐ ܩܵܒܸ̇ܠ ܗَܘܵܐ ܚܲܫܵܐ ܘܕܩܵܝܸܡ ܗَܘܵܐ ܡ̣ܢ ܡܝܼܬܹ̈ܐ؛ ܘܗ̇ܘ ܝܼܠܹܗ ܝܼܫܘܿܥ ܡܫܝܼܚܵܐ؛ ܕܡܲܫܚܘܼܕܹܐ ܝܘܸܢ ܐܸܠܵܘܟ̣ܘܿܢ. 4ܘܚܲܕَܟܡܵܐ ܡܸܢܵܝܗܝ ܗܘܼܡܸܢܗَܘܿܢ ܘܬܒܸܥܠܗَܘܿܢ ܠܦܵܘܠܘܿܣ ܘܠܫܝܼܠܵܐ؛ ܘܟܸܢܫܵܐ ܪܵܒܵܐ ܡ̣ܢ ܝܵܘܢܵܝܹ̈ܐ؛ ܙܵܕܥܝܵܢܹ̈ܐ ܡ̣ܢ ܐܲܠܵܗܵܐ؛ ܘܐܘܼܦ ܒܲܟ̣ܬܵܬܹ̈ܐ ܝܕܸܥܝܹ̈ܐ ܠܵܐ ܚܲܕَܟ̰ܵܐ. 5ܘܒܘܼܚܸܠܗَܘܿܢ ܝܗَܘܼܕܵܝܹ̈ܐ؛ ܘܕܒܸܩܠܗَܘܿܢ ܐَܢܵܫܹ̈ܐ ܒܝܼܫܹ̈ܐ ܡ̣ܢ ܫܘܼܩܵܐ ܕܡܕܝܼܢَܬܵܐ؛ ܘܥܒܼܸܕܠܗَܘܿܢ ܟܸܢܫܵܐ ܪܵܒܵܐ؛ ܘܚܒܸܛܠܘܿܢ ܠܡܕܝܼܢَܬܵܐ؛ ܘܐَܬܹܐܠܗَܘܿܢ ܗܸܓ̰ܘܼܡܠܗَܘܿܢ ܥܲܠ ܒܲܝܬܹܗ ܕܐܝܼܵܣܘܿܢ؛ ܘܒܲܥܝܝܼ ܗَܘܵܘ ܕܦܵܠܛܝܼ ܠܗَܘܿܢ ܡ̣ܢ ܬܵܡܵܐ؛ ܘܣܲܦܝܼ ܗَܘܵܘ ܠܗَܘܿܢ ܠܟܸܢܫܵܐ. 6ܘܟܲܕ ܠܵܐ ܡܘܼܫَܟ̰ܚܵܝܠܗَܘܿܢ ܬܵܡܵܐ؛ ܓܪܸܫܠܗَܘܿܢ ܠܐܝܼܵܣܘܿܢ ܘܠܚܲܕَܟܡܵܐ ܐܲܚܘܿܢܘܵܬܹ̈ܐ ܕܐܝܼܬܼ ܗَܘܵܐ ܬܵܡܵܐ؛ ܘܡܘܿܝܬܹܐܠܗَܘܿܢ ܐܸܠܵܝܗܝ ܠܟܸܣ ܪܹ̈ܫܵܢܹܐ ܕܡܕܝܼܢَܬܵܐ؛ ܟܲܕ ܡܲܩܘܸܚܝܼ ܗَܘܵܘ؛ ܐܲܢܹܐ ܕܚܒܸܛܠܗَܘܿܢ ܠܕܘܼܢܝܹܐ ܘܐܘܼܦ ܠܲܐܟ̣ܵܐ ܐَܬܹܐܠܗَܘܿܢ. 7ܐܲܝܢܝܼ ܕܐܝܼܵܣܘܿܢ ܩܘܼܒܠܵܝܠܹܗ؛ ܘܐܲܢܹܐ ܟܠܵܝܗܝ ܠܕܲܪܩܘܼܒ̣ܠ ܕܦܘܼܩܕܵܢܹ̈ܐ ܕܩܹܣܲܪ ܒܸܦܠܵܚܵܐ ܝܢܵܐ؛ ܟܲܕ ܒܹܐܡܵܪܵܐ؛ ܕܐܝܼܬ ܡܲܠܟܵܐ ܐَܚܹܪَܢܵܐ؛ ܝܼܫܘܿܥ. 8ܐܝܼܢܵܐ ܚܒܸܛܠܗَܘܿܢ ܠܪܹ̈ܫܵܢܹܐ ܕܡܕܝܼܢَܬܵܐ ܘܟܠܹܗ ܥܲܡܵܐ؛ ܟܲܕ ܫܡܸܥܠܗَܘܿܢ ܐܲܢܹܐ. 9ܘܫܩܸܠܗَܘܿܢ ܥܲܪ̈ܵܒܹܐ (ܙܵܡܝܼܢܹ̈ܐ) ܡ̣ܢ ܐܝܼܵܣܘܿܢ؛ ܘܐܘܼܦ ܡ̣ܢ ܐܲܚܘܿܢܘܵܬܹ̈ܐ؛ ܗ̇ܝܓܵܗ ܫܸܪܝܵܝܠܗَܘܿܢ. 10ܐܝܼܢܵܐ ܐܲܚܘܿܢܘܵܬܹ̈ܐ ܒܗ̇ܝ ܣܵܥܲܬ ܒܠܲܝܠܹܐ ܫܘܼܕܸܪܗَܘܿܢ ܠܦܵܘܠܘܿܣ ܘܠܫܝܼܠܵܐ ܠܒܹܪܘܿܐܵܐ ܡܕܝܼܢَܬܵܐ. ܘܟܲܕ ܐَܬܹܐܠܗَܘܿܢ ܠܬܵܡܵܐ؛ ܥܒܼܸܪܗَܘܿܢ ܓܵܘ ܟܢܘܼܫ̈ܵܬܵܐ ܕܝܗَܘܼܕܵܝܹ̈ܐ. 11ܐܝܼܢܵܐ ܒܘܼܫ ܨܦܵܝܝܼ ܗَܘܵܘ ܐܵܢܝܼ ܝܗَܘܼܕܵܝܹ̈ܐ ܬܵܡܵܐ ܡ̣ܢ ܝܗَܘܼܕܵܝܹ̈ܐ ܕܐܵܢܝܼ ܕܝܼܗܘܵܐ ܕܓܵܘ ܬܹܣܵܠܘܿܢܝܼܩܹܐ؛ ܘܫܵܡܥܝܼ ܗَܘܵܘ ܡܸܢܵܝܗܝ ܗܹܡܸܙܡܵܢ ܘܟܠܝܘܿܡ ܟܹܐ ܨܲܚܨܝܼ ܗَܘܵܘ ܡ̣ܢ ܟܬܼܵܒܹ̈ܐ ܕܐܸܢ ܐܲܢܹܐ ܗܲܕܟ̣ܵܐ ܝܢܵܐ. 12ܘܪܵܒܵܐ ܡܸܢܵܝܗܝ ܗܘܼܡܸܢܗَܘܿܢ؛ ܘܗܲܕܟ̣ܵܐ ܐܘܼܦ ܡ̣ܢ ܝܵܘܢܵܝܹ̈ܐ ܪܵܒܵܐ ܓܲܒܼܪܹ̈ܐ؛ ܘܒܲܟ̣ܬܵܬܹ̈ܐ ܡܝܘܼܩܪܹ̈ܐ. 13ܘܟܲܕ ܝܕܸܥܠܗَܘܿܢ ܐܵܢܝܼ ܝܗَܘܼܕܵܝܹ̈ܐ ܕܡ̣ܢ ܬܹܣܵܠܘܿܢܝܼܩܹܐ؛ ܕܗܹܡܸܙܡܵܢ ܕܐܲܠܵܗܵܐ ܦܸܫܠܵܗ̇ ܡܘܼܟܪܸܙܬܵܐ ܡ̣ܢ ܦܵܘܠܘܿܣ ܒܒܹܪܘܿܐܵܐ ܡܕܝܼܢَܬܵܐ؛ ܐَܬܹܐܠܗَܘܿܢ ܐܘܼܦ ܠܬܵܡܵܐ؛ ܘܠܵܐ ܫܠܹܐܠܗَܘܿܢ ܘܫܓܸܫܠܗَܘܿܢ ܘܚܒܸܛܠܗَܘܿܢ ܠܛܵܝܸܦܵܐ. 14ܠܦܵܘܠܘܿܣ ܫܘܼܕܸܪܗَܘܿܢ ܐܲܚܘܿܢܘܵܬܹ̈ܐ ܕܨܵܠܹܐ ܠܝܵܡܵܐ؛ ܘܦܸܫܠܗَܘܿܢ ܒܗ̇ܝ ܡܕܝܼܢَܬܵܐ ܫܝܼܠܵܐ ܘܛܝܼܡܵܬܹܐܘܿܣ. 15ܘܐܵܢܝܼ ܕܡܘܼܦܫܸܛܠܗَܘܿܢ ܠܦܵܘܠܘܿܣ؛ ܘܐَܬܹܐܠܗَܘܿܢ ܥܲܡܹܗ ܗܲܠ ܠܐܵܬܹܢܘܿܣ ܡܕܝܼܢَܬܵܐ. ܘܟܲܕ ܒܸܦܠܵܛܵܐ ܡ̣ܢ ܠܟܸܣܠܹܗ؛ ܩܘܼܒܸܠܗَܘܿܢ ܡܸܢܹܗ ܐܸܓܲܪܬܵܐ ܠܟܸܣ ܫܝܼܠܵܐ ܘܛܝܼܡܵܬܹܐܘܿܣ؛ ܕܒܓ̰ܲܠܕܘܼܬܵܐ ܐܵܙܠَܝܼ ܗَܘܵܘ ܠܟܸܣܠܹܗ. 16ܐܝܼܢܵܐ ܗ̇ܘ ܦܵܘܠܘܿܣ ܒܸܣܦܵܪܵܐ ܗَܘܵܐ ܒܐܵܬܹܢܘܿܣ؛ ܥܘܼܓ̰ܸܙܠܹܗ ܒܪܘܼܚܹܗ؛ ܟܲܕ ܚܙܹܐ ܠܹܗ ܕܟܠܵܗ̇ ܡܕܝܼܢَܬܵܐ ܡܠܝܼܬܵܐ ܨܵܢܲܡܹ̈ܐ. 17ܘܗܲܡܙܸܡ ܗَܘܵܐ ܓܵܘ ܟܢܘܼܫܬܵܐ ܥܲܡ ܝܗَܘܼܕܵܝܹ̈ܐ ܘܥܲܡ ܙܵܕܥܝܵܢܹ̈ܐ ܡ̣ܢ ܐܲܠܵܗܵܐ؛ ܘܒܫܘܼܩܵܐ ܥܲܡ ܬܵܦܩܵܢܹ̈ܐ ܒܝܹܗ ܟܠܝܘܿܡ. 18ܘܐܘܼܦ ܦܝܼܠܵܣܘܿܦܹ̈ܐ ܕܡ̣ܢ ܝܘܼܠܦܵܢܹܗ ܕܐܲܦܝܼܩܘܿܪܘܿܣ؛ ܘܕܸܐܣܛܘܿܐܝܼܩܘܿ؛ ܕܵܪܫܝܼ ܗَܘܵܘ ܥܲܡܹܗ. ܘܡܸܢܵܝܗܝ ܐܵܡܪܝܼ ܗَܘܵܘ؛ ܡܘܼܕܝܼ ܒܲܥܝܹܐ ܠܹܐܡܵܪܵܐ ܐܵܗܵܐ ܓܵܒ̇ܝܵܢܵܐ ܕܗܹܡܸܙܡܵܢܹ̈ܐ؛ ܘܐَܚܹܪَ̈ܢܹܐ ܐܵܡܪܝܼ ܗَܘܵܘ؛ ܐܲܠܵܗܹ̈ܐ ܢܘܼܟ̣ܪ̈ܵܝܹܐ ܡܲܟܪܘܿܙܹܐ ܝܠܹܗ؛ ܣܵܒܵܒ ܕܠܝܼܫܘܿܥ ܘܠܩܝܵܡܬܹܗ ܡܲܟܪܘܿܙܹܐ ܗَܘܵܐ ܐܸܠܵܝܗܝ. 19ܘܕܒܼܸܩܠܗَܘܿܢ ܘܡܘܼܝܬܹܐܠܗَܘܿܢ ܐܸܠܹܗ ܠܒܹܝܬܼ ܕܝܼܢܵܐ ܕܦܝܵܫܵܐ ܝܠܹܗ ܩܸܪܝܵܐ ܐܵܪܝܼܘܿܣ ܦܵܓ̣ܘܿܣ ܟܲܕ ܐܵܡܪܝܼ؛ ܡܵܨܲܚ ܠܝܼܕܲܥܝܵܐ ܡܘܼܕܝܼ ܝܠܹܗ ܐܵܗܵܐ ܝܘܼܠܦܵܢܵܐ ܚܵܕَܬܵܐ ܕܡܲܟܪܘܼܙܹܐ ܝܘܸܬ. 20ܣܵܒܵܒ ܡܸܢܕܝܵܢܹ̈ܐ ܢܘܼܟ̣ܪ̈ܵܝܹܐ ܒܸܙܪܵܥܵܐ ܝܘܸܬ ܒܡܲܫܡܲܥܬܲܢ؛ ܒܸܒܲܥܝܵܐ ܝܘܲܚ ܠܝܼܕܲܥܝܵܐ ܡܘܼܕܝܼ ܝܢܵܐ ܐܲܢܹܐ. 21ܐܝܼܢܵܐ ܐܵܬܹܢܵܝܹ̈ܐ ܟܠܵܝܗܝ ؛ ܘܐܵܢܝܼ ܕܐܵܬܝܼ ܬܵܡܵܐ ܢܘܼܟ̣ܪ̈ܵܝܹܐ؛ ܡܲܥܒܸܪܝܼ ܗَܘܵܘ ܟܠܵܗ̇ ܥܕܵܢܵܝܗܝ ܗܲܡܙܘܼܡܹܐ ܘܠܸܫܡܲܥܝܵܐ ܡܸܢܕܝܼ ܚܵܕَܬܵܐ. 22ܘܟܲܕ ܩܸܡܠܹܗ ܦܵܘܠܘܿܣ ܒܓܵܘܵܐ ܕܐܵܪܝܼܘܿܣ ܦܲܓ̣ܘܿܣ؛ ܐَܡܸܪܹܗ؛ ܓܲܒܼܪܹ̈ܐ ܐܵܬܹܢܵܝܹ̈ܐ؛ ܒܸܚܙܵܝܵܘܟ̣ܘܿܢ ܝܼܘܸܢ ܕܒܟܠܵܝܗܝ ܡܸܢܕܝܵܢܹ̈ܐ ܙܵܘܕܵܐ ܝܬܘܿܢ ܒܣܓ̣ܵܕܬܵܐ ܕܫܹܐܕܹ̈ܐ. 23ܣܵܒܵܒ ܟܲܕ ܒܸܚܕܵܪܵܐ ܝܘܸܢ ܗَܘܵܐ ܘܒܸܚܙܵܝܵܐ ܠܐܵܢܝܼ ܕܟܹܐ ܣܵܓ̣ܕܝܼܬܘܿܢ ܐܸܠܵܝܗܝ؛ ܡܘܼܫَܟ̰ܸܚܠܝܼ ܚܲܕَ ܡܲܕܒܚܵܐ ܕܟܬܝܼܒ̣ܵܐ ܗَܘܵܐ ܥܲܠܘܼܗܝ؛ ܠܐܲܠܵܗܵܐ ܛܸܫܝܵܐ. ܠܗ̇ܘ ܗܲܕܟ̣ܵܐ ܕܟܲܕ ܠܵܐ ܒܝܼܕܲܥܝܵܐ ܐܸܠܹܗ؛ ܒܸܣܓ̣ܵܕܵܐ ܝܬܘܿܢ ܐܸܠܹܗ؛ ܠܐܵܗܵܐ ܐܵܢܵܐ ܡܲܫܚܘܼܕܹܐ ܝܘܸܢ ܐܸܠܵܘܟ̣ܘܿܢ. 24ܣܵܒܵܒ ܐܲܠܵܗܵܐ ܕܥܒܸܕܠܹܗ ܥܵܠܡܵܐ ܘܟܠ ܡܸܢܕܝܼ ܕܐܝܼܬ ܓܵܘܹܗ؛ ܗ̇ܘ ܕܝܼܠܹܗ ܡܵܪܵܐ ܕܫܡܲܝܵܐ ܘܕܲܐܪܥܵܐ؛ ܓܵܘ ܗܲܝܟܠܵܐ ܕܥܒܼܝܼܕܵܐ ܒܐܝܼܕܵܬܹ̈ܐ ܠܹܐ ܫܵܪܹܐ. 25ܘܠܹܐ ܦܵܝܸܫ ܥܒ̣ܝܼܕܵܐ ܚܸܠܡܲܬ ܡ̣ܢ ܐܝܼܕܵܬܹ̈ܐ ܕܒܢܲܝ̈ܢܵܫܵܐ؛ ܘܥܲܠ ܡܸܢܕܝܼ ܠܹܐ ܝܠܹܗ ܣܢܝܼܩܵܐ؛ ܣܵܒܵܒ ܕܗ̇ܘ ܝܘܼܗَܒܼܸܠܹܗ ܠܟܠ ܐَܢܵܫܵܐ ܚܲܝܹ̈ܐ؛ ܘܢܵܦܵܣ. 26ܘܒܪܹܐܠܹܗ ܡ̣ܢ ܚܲܕَ ܕܸܡܵܐ ܟܠܵܗ̇ ܡܸܠܲܬ ܕܒܢܲܝ̈ܢܵܫܵܐ؛ ܕܗܵܘܝܼ ܒܸܥܡܵܪܵܐ ܥܲܠ ܦܵܬܵܐ ܕܟܠܵܗ̇ ܐܲܪܥܵܐ؛ ܘܦܪܸܫܠܹܗ ܙܲܒ̣ܢܹ̈ܐ ܒܦܘܼܩܕܵܢܹܗ ܡܘܼܬܸܒܼ ܠܹܗ ܘܬܸܚܘܼܒܹ̈ܐ ܕܥܡܵܪܵܝܗܝ. 27ܕܗܵܘܝܼ ܒܸܛܲܥܝܵܐ ܠܐܲܠܵܗܵܐ ܘܨܲܚܨܘܿܝܹܐ؛ ܘܡ̣ܢ ܒܸܪ̈ܝܵܬܹܐ ܘܡܵܫَܟ̰ܚܝܼ ܠܹܗ؛ ܣܵܒܵܒ ܠܹܐ ܝܠܹܗ ܪܸܚܩܵܐ ܡ̣ܢ ܟܠ ܚܲܕَ ܡܸܢܲܢ. 28ܣܵܒܵܒ ܕܒܝܹܗ ܒܸܚܵܝܵܐ ܝܘܲܚ؛ ܘܒܸܓ̰ܘܵܓ̰ܵܐ ܝܘܲܚ؛ ܘܝܼܘܵܚ؛ ܐܲܝܟܼ ܕܐܘܼܦ ܐَܢܵܫܹ̈ܐ ܡ̣ܢ ܚܲܟܿܝܼܡܹ̈ܐ ܕܡ̣ܢ ܠܟܸܣܠܵܘܟܼܘܿܢ ܐَܡܸܪܗَܘܿܢ؛ ܣܵܒܵܒ ܕܡܸܢܹܗ ܝܠܹܗ ܛܘܿܗܡܲܢ (ܐܘܼܓ̰ܵܓܲܢ). 29ܗܲܕܟܼܵܐ ܐَܢܵܫܹ̈ܐ ܕܛܘܼܗܡܲܢ ܡ̣ܢ ܐܲܠܵܗܵܐ ܝَܠܹܗ؛ ܠܹܐ ܝَܠܵܗ̇ ܚܫܝܼܚܬܵܐ ܕܚܵܫܒܲܚ ܠܕܲܗܒ̣ܵܐ؛ ܝܲܢ ܠܣܹܐܡܵܐ؛ ܝܲܢ ܠܟܹܐܦܵܐ ܢܩܝܼܪܵܐ ܒܐܘܼܡܵܢܘܼܬܵܐ ܘܒܕܹܥܬܵܐ ܕܒܲܪܢܵܫܵܐ ܟܹܐ ܡܵܕܡܝܼܵܐ ܐܲܠܵܗܘܼܬܼܵܐ. 30ܣܵܒܵܒ ܙܲܒ̣ܢܹ̈ܐ ܕܚܸܠܛܘܼܢܝܘܼܬܵܐ ܡܘܼܥܒܸܪܹܐ ܐܲܠܵܗܵܐ؛ ܐܝܼܢܵܐ ܐܵܕܝܼܵܐ ܦܵܩܘܿܕܹܐ ܝܠܹܗ ܠܟܠܵܝܗܝ ܒܢܲܝ̈ܢܵܫܵܐ؛ ܕܒܟܠ ܕܘܼܟܵܐ ܬܲܘܸܒܝܼ. 31ܣܵܒܵܒ ܕܡܘܼܩܸܡܠܹܗ ܝܵܘܡܵܐ ܕܒܝܹܗ ܗܕܝܼܪܵܐ ܝܠܹܗ ܕܕܵܝܸܢ ܠܕܘܼܢܝܹܐ ܒܙܲܕܝܼܩܘܼܬܵܐ ܒܝܲܕ ܓܲܒܼܪܵܐ ܡܘܕܸܪܹܗ ܠܟܠ ܐَܢܵܫܵܐ ܠܗܲܝܡܵܢܘܼܬܹܗ ܒܗ̇ܝ ܕܡܘܼܩܸܡܠܹܗ ܡ̣ܢ ܒܹܝܬܼ ܡܝܼܬܹ̈ܐ. 32ܘܟܲܕ ܫܡܸܥܠܗَܘܿܢ ܩܝܵܡܬܵܐ ܕܡ̣ܢ ܡܝܼܬܹ̈ܐ؛ ܐَܢܵܫܹ̈ܐ ܡܸܢܵܝܗܝ ܡܘܼܣܚܸܪܗَܘܿܢ؛ ܘܐَܚܹܪَ̈ܢܹܐ ܐَܡܸܪܗَܘܿܢ؛ ܒܥܕܵܢܵܐ ܐَܚܹܪَܬܵܐ ܒܸܬ ܫܲܡܥܵܚ ܠܘܼܟܼ ܒܘܼܬܿ ܕܐܵܗܵܐ. 33ܘܗܲܕܟ̣ܵܐ ܦܠܸܛܠܹܗ ܦܵܘܠܘܿܣ ܡ̣ܢ ܓܵܘܵܝܗܝ. 34ܘܐَܢܵܫܹ̈ܐ ܡܸܢܵܝܗܝ ܬܒܸܥܠܗَܘܿܢ ܐܸܠܹܗ ܘܗܘܼܡܸܢܗَܘܿܢ؛ ܐܝܼܢܵܐ ܘܚܲܕَ ܡܸܢܵܝܗܝ ܕܝܵܢܹܘܣܝܼܘܿܣ ܝܼܗَܘܵܐ؛ ܡ̣ܢ ܕܲܝܵܢܹ̈ܐ ܕܐܵܪܝܼܘܿܣ ܦܵܓ̣ܘܿܣ؛ ܘܚܕܵܐ ܒܲܟ̣ܬܵܐ ܕܫܸܡܵܗ̇ ܕܵܡܵܪܝܼܣ؛ ܘܐَܚܹܪَ̈ܢܹܐ ܥܲܡܵܝܗܝ.ܝ.